هبتدى معاكو قعدتنا على القهوه والنهارده أنا قررت انى أكون مدير فنى ؟!
أه أنا مدير فنى عايزه أحط نفسى مكان المدير الفنى وأشوف هو ظالم ولا مظلوم وأنتو معايا كمان فكرو معايا يا ترى المدير الفنى يستحق أننا نهاجمه عمال على بطال ولا ندعمه ونقف جنبه .
مدير فنى يعنى شايل مسئولية الفريق بالكامل يعنى اللاعيب لما مستحقاته تتأخر يروح لمين يشكى مشاكله غير للمدير الفنى فطبعآ مطالب بحل مشاكل اللعب فهو أقرب شخص للاعبين مطالب أنه يحل مشاكلهم ويشوف متطالباتهم وكمان مطالب أنه يحل كل مشاكل الفريق وكمان مطالب أنى أحقق نتايج كويسه علشان محدش يهاجمنى وينتقدنى أنا مش ضد النقد وأنما يكون نقد بناء يفيفد الفريق
يقولى على أخطائى يلفت نظرى أنما النقد الهدام اللى يأذينى ويخلينى ما أركزش مش عايزه ده غير أنى مطالب أحل مشاكل اللعيبه وأخليهم يصبرو على مستحقاتهم بس أزاى وهما وراهم مسئوليات وفى ناس ممكن تتحبس فكرو معايا أزاى الحاجت دى تتحل
وفى نفس الوقت لازم أعرفهم أن لازم يصبرو على النادى ويستحملو الظروف اللى بيمر بيها النادى كل ده على أكتافى أنا المدير الفنى الجماهير مش قادره تفهم أن ضغط المباريات وراه بعضه لازم يخلينى أريح لاعيبه واستغل لاعيبه تانيه مش معنى كده أنى حاطط لاعيب فى دماغى بالعكس أنا عايز الكل يلعب بس اللى يكون جاهز واللى هينفذ تعليماتى
للأسف الناس بتشوف من بره بس محدش بيشوف من جوه لو فى حد جه قعد مكانى هيحس بالمسئوليه الكبيره اللى أنا فيها عايز أجيب بطوله للجماهير وأفرحهم الجماهير اللى صبرت على الفريق كتير وكمان عايز اللعيبه تاخد مستحقتها وتلعب وهى مرتاحه أن فى فلوس فى بيوتهم للأسف هى معادله صعبه بس طول ما أنا ورايه جمهور زى جمهور نادى الزمالك عمرى ما هقلق ......
ده حال أى مدير فنى بيجى يمسك نادى الزمالك بيقى محتاج دعم من الجماهير ومن الأعلام الرياضى لكن للأسف عندنا مافيش الكلام ده اللى يغلط يدبح على فكره أنا كنت من الناس اللى بتهاجم أى مدير فنى فى الزمالك بس حطيت نفسى مكانه لاقيت أنهم مظلومين ومطالبين بحاجات طتير وصعبه جدآ عليهم للأسف محدش هيحس بيغيره الا لما يقعد مكانه وأنا النهارده حطيت نفسى مكان المدير الفنى وهدعم أى مدير فنى يمسك فريق الكوره فى نادى الزمالك فى ظل الظروف اللى بيمر بيها النادى
ليست هناك تعليقات:
إرسال تعليق