النهارده هتكلم عن واحد من أهم الشخصيات الرياضيه فى تاريخ الكوره المصريه ومن أحرف اللاعبيين وأكثرهم أحترامآ فى تاريخ الكوره المصريه امبارح كل اللى بيحبو حازم أمام أحتفلو بعيد ميلاده حازم أمام حلم لأى مشجع ان يشوفوه ويسلم بس عليه أو حتى يشاور ليه .
من أكتر الشخصيات المتواضعه جدآ رغم شهرته ورغم أنه من أشهر الشخصيات الرياضيه فى العالم العربى والأوروبى فحازم أمام صنع شهرته بنفسه وما أعتمدش على جده ولا والده اللى هما أساس نادى الزمالك وأحد أهم الشخصيات فى نادى الزمالك على مر العصور نجح حازم أمام فى أنه يصنع اسمه بمجهوده وحرفنته .
أكتر أنسان خجول أول ما حد يحاول يمدحه ويشكر فيه على طول الخجل واحمرار الوش يبان بمعنى أصح أبن ناس من عيله محترمه علشان كده الكل بيحبه وبيحترمه .
من أكتر اللاعبيين اللى الجماهير أطلقت عليه ألقاب " الأمبراطور , الساحر , فاكهة الكره المصريه , الحاوى , وغيرها من ألقاب له مواقف كتير أنسانيه ومش بيحب أنه يتكلم عليها ولا يقول عنها .
حازم أمام شخصيه من عالم تانى شخصيه شبهه الشخصيات الخياليه اللى لا يمكن تصدق أن فى منها على الأرض شرف لأى حد أنه يتعامل معاه وحلم لأى حد أنه يقابله صغير وكبير
عمره ما فكر يعمل مشاكل مع حد ولا بيحب الأضواء ولا أنه يشهر نفسه أد ما اللى يهمه حب الناس ليه بيشتغل فى صمت رغم الأنتقادات اللى بيواجهها ودايمآ مديها ضهره .
عنى حازم أمام من الهجوم وهو لاعب وكمان وهو عضو فى مجلس أدارة نادى الزمالك يعنى لما كان لاعب لما الزمالك يلعب وحش يتقال حازم هو السبب كان مثلآ حازم هو الفريق كله .!
ولما نجح فى عضوية مجلس أدارة نادى الزمالك كان الكل سايب باقى الأعضاء ورئيس النادى والكل مركز مع حازم والكل بيحاسبه كأن حازم هو اللى هيجيب الديب من ديله .
مش عارفه أيه الحب ده ؟! للأسف بيفكرونى بالدبه اللى بتهش الدبانه من على وش صاحبها قتلته " ومن الحب ماقتل "
فى النهايه بتمنى أنى أشوف حازم أمام دايمآ فوق وعالى فى السما فحازم أمام كان حلم بالنسبه ليه أنى أشوفه أو حتى أتكلم معاه كنت بتفرج عليه فى الأستاد وأستنى أسمع أسمه علشان أسمع صوت الجماهير وفرحها بنزول حازم أرض الملعب .
ولما شوفت حازم أمام وأتعاملت معاه عرفت أد أيه أن أنا أتعرفت على كنز لا يمكن أن يتعوض ولازم الحفاظ عليه فهو أخ جدع وأنسان محترم ومتواضع مع الكل .
اللى ما أتعاملش مع حازم أمام ولا شافه وهو بيرقص نص لاعيبة مصر يبقى لا شاف حاجه ولا عرف حاجه .
كل سنه وأنت دايمآ معانا يا زوما يا نجم النجوم يا ماسه لا يمكن أن تتعوض يا ابو هايا وتاليه ولولو .
ليست هناك تعليقات:
إرسال تعليق