النهارده هتكلم معاكو على مفاجأه جديده لمرتضى منصور كالعاده لازم يطلع علينا بمفاجأه من مفاجأته اللى مش هتنتهى ومش عارفه أمتى هنخلص من مفاجأته مش عارفه رش نفسه فى أنتخابات نادى الزمالك وفاز والمفروض أنه بقى رئيس نادى الزمالك ورضينا بالأمر الواقع وقلنا أهم حاجه الزمالك وفجأه يطلع علينا أنه يرشح نفسه فى الأنتخابات الرئاسيه !!!!!
على أى أساس مش عارفه وكأنه عايز الكراسى كلها علشان يبقى رئيس نفسى أعرف مين اللى شجعه على الموضوع ده مش عارفه ؟
مين قاله أنه ينفع يبقى رئيس جمهوريه برضه مش عارفه ؟
كفايه أننا هنستحمله رئيس لنادى الزمالك 4 سنين وكله علشان نادى الزمالك يخرج من أزماته وان مايحصلش مشاكل تانى فى النادى بس للأسف هو ليه تفكير تانى وهو تجميع كراسى على قد ما يقدر .
بس تعالو كده نتخيل لو مرتضى بقى رئيس لجمهورية مصر العربية
الشعب كله هيبقى ليه سى ديهات عند مرتضى ده غير أنه هيقرر أنه يلغى النادى الأهلى من الوجود وده المطلوب حقيقه
ده غير أننا لازم قبل كل خطاب نحط قطن فى ودان البنات والأطفال لأن الخطاب كله هيبقى تيييييييييييت تيييييييييييييت
وأعتقد أن السلام الوطنى هيبقى سب وقذف وده اللى أتعودنا عليه منه للأسف مش عرافه ليه بيحب يسلط الأضواء حواليه ويحب يجذب الناس لتصرفاته ؟
هو رشح نفسه علشان خدمة ناى الزمالك يبقى ليه يلف على كرسى تانى يعنى مش كفايه رئيس نادى الزمالك ورئيس لجنة الأنديه وكمان عايز يبقى رئيس مصر ؟؟
ده حتى يبقى حرام وضغط على أعصاب الجماهير والشعب المصرى
أتمنى أنه يركز فى نادى الزمالك أحنا الماهير قبلنا أنك تكون رئيس لنادىالزمالك بالرغم من أنك كنت سبب رئيسى فى دمار النادى بأنك دخلته المحاكم واتسببت فى أن النادى حصل له أنتكاسه بنعانى منها لغاية دلوقتى بسببك .
ويكفى أنك تسببت أن النادى كان هيتم الحجز عليه بسبب الكرسى اللى أنت كان طول عمرك نفسك فيه وأدى الحلم أتحقق ركز بقى فى الزمالك وسيبك من أنك تخلى الكل يركز مع تصرفاتك .
يا تركز مع الزمالك يا تركز فى أحلامك وكراسيك .
وفى النهايه بتمنى أن حد يقول لمرتضى سيبك من الكراسى وركز فى كسى واحد بس .
ليست هناك تعليقات:
إرسال تعليق