كل يوم والتانى نسمع أن الزمالك تعاقد مع لاعب جديد ونشوف صور بس لغاية دلوقتى مالقناش أى تعاقد رسمى علشان نطمن أن اللعيبه دى بقيت فعلآ فى الزمالك كل يوم صفقه وكل يوم اسم لاعب وكل المواقع تتكلم وتقول ده مضى وده لسه وده جاى فى الطريق ونسمع أن فى صفقات فشلت .!!
الجمهور مش عايز يشوف اللاعب فلان متصور مع الكابتن فلان الجمهور عايز يشوف اللاعب فى التدريبات علشان يطمن أنما السمك اللى فى الميه ده مالوش لازمه لازم نشوف تعاقد رسمى مع اللاعيبه دى أنما نشوف صور وبعد كده يتقال ده لسه وده النادى بتاعه رفض التعاقد معانا ده هيزود قلق الجمهور أكتر .
لازم مجلس الأداره يتعاقد رسمى مع اللعيبه والأتفاق مع أنديتهم مش نجيب اللعيبه ونتصور معاهم ونقول تعاقدنا وبعدها نلاقى أن لسه مافيش أىتعاقد ولا فى أى حاجه وكله لسه كلام فى الهوى .
فى لاعيبه عقودها مستمره مع أنديتها ولازم من موافقة أنديتهم لازم من تحرك سريع للمجلس علشان الصفقات دى تتم أنما الصور والكلام اللى فى كل المواقع ده كله كلام ومافيش أى جديه لغاية دلوقتى فى التعاقدات مع اللاعيبه .
والمريب فىالموضوع ان يتم تسريب اسامى اللعيبه والصور دى ؟!
المفروض أن أى مجلس أداره محترف ميطلعش يقول أنا تعاقدت أو هتعاقد أو يتم نشر صور كل ده هيبقى ضد النادى ومن أخطر ما يمكن وممكن كمان يهدد الصفقات دى بالفشل .
أكيد كلنا نتمنى أن الصفقات دى تتم على خير ولكن تتم فى سريه تامه علشان مصلة النادى وكمان ياريت نتعمل من اخطاءنا اللى فاتت من سنيين وضيعت صفقات مهمه للزمالك .
فى النهايه أتمنى أن الصفقات دى تكون حقيقيه وتتم بخير ومابعد كل ده ما تطلعش فوتشوب ....!!!
ليست هناك تعليقات:
إرسال تعليق